പത്തനംതിട്ട – യുഡിഎഫ് സർക്കാരിനേക്കാൾ വിവിധമേഖലകളിൽ നികുതിയും,വരുമാനവും വർദ്ധിപ്പിച്ച ഈ സർക്കാർ നിത്യോപയോഗ സധനവില കുതിച്ചുയർന്നപ്പോൾ പെൻഷൻകാരുടെ 5 തവണത്തെ ഡി.എ.കുടിശിക അനുവദിക്കാതിരിക്കുന്നത് കടുത്ത മനുഷ്യത്വരഹിതമായ നടപടിയാണെന്ന് കെ.എസ്.എസ്.പി.എ.ജില്ലാ വൈസ് പ്രസിഡൻറ് ഏബ്രഹാം വി.ചാക്കോ.
പത്തനംതിട്ട ട്രഷറികൾക്ക് മുമ്പിൽ കേരള സ്റ്റേറ്റ് സർവ്വീസ് പെൻഷനേഴ്സ് അസോസിയേഷൻ നടത്തിയ ധർണ ഉദ്ഘാടനം ചെയ്യുകയായിരുന്നു അദ്ദേഹം.
നിലവിലുള്ള അപാകതകൾ പരിഹരിക്കാതെ 3 വർഷത്തേക്കുള്ള എഗ്രിമെൻറ് വെച്ചിരിക്കുന്ന പെൻഷൻകാരുടെ മെഡിസെപ് പ്രീമിയം തുക വർദ്ധിപ്പിക്കാൻ നടക്കുന്ന നീക്കങ്ങൾ അവസാനിപ്പിക്കണമെന്നും ആവശ്യപ്പെട്ടു.
പ്രസിഡൻറ് എം.പി.മോഹനൻ അദ്ധ്യക്ഷത വഹിച്ചു.സംസ്ഥാന കൗൺസിലർ പി. എ.മീരാപിള്ള,സെക്രട്ടറി കെ.ജി.റെജി.ജോൺ തോമസ് മാമ്പറ,വരദരാജൻ പി.എൻ.,കെ.എ.വർഗീസ് ,മുഹമ്മദ് സലീം,ഗിവർഗീസ് പി., എൻ.എസ്.ജോൺ,ജോൺ പി.,എന്നിവർ പ്രസംഗിച്ചൂ.
