📚 “പുസ്തകവണ്ടി യാത്ര” ഉദ്ഘാടനം ചെയ്തു 📚

റാന്നി: ആർ ജെ ഡി റാന്നി നിയോജക മണ്ഡലം കമ്മിറ്റിയുടെ നേതൃത്വത്തിൽ സംഘടിപ്പിച്ച “പുസ്തകവണ്ടി യാത്ര” ദേശീയ സെക്രട്ടറി അനു ചാക്കോ ഫ്ലാഗ് ഓഫ് ചെയ്തു. റാന്നിയിലെ വിവിധ പ്രദേശങ്ങളിലുള്ള നിർദ്ധനരായ കുട്ടികൾക്ക് പഠനത്തിന് ആവശ്യമായ അടിസ്ഥാന സാധനങ്ങൾ വിതരണം ചെയ്യുന്നതിനായാണ് പദ്ധതി സംഘടിപ്പിച്ചിരിക്കുന്നത്. ചടങ്ങിൽ നിയോജക മണ്ഡലം പ്രസിഡന്റ് പ്രശാന്ത് ബി മോളിക്കൽ അധ്യക്ഷത വഹിച്ചു. ജില്ലാ പ്രസിഡന്റ് അഡ്വ. മനു വാസുദേവ്, രാഷ്ട്രീയ യുവജനതാദൾ സംസ്ഥാന പ്രസിഡന്റ്‌ പ്രഭീഷ് ആദിയൂർ, അഞ്ചു എസ് അരവിന്ദ്, ബിജോയ്‌ ടി മാർക്കോസ്, സോജൻ മാണികുളം, വിഷ്ണു പി പി എന്നിവർ പങ്കെടുത്തു സംസാരിച്ചു .