കോട്ടയം: കണ്ണൂർ അഞ്ചരക്കണ്ടി ദന്തൽ കോളേജ് വിദ്യാർത്ഥി മരണപ്പെട്ട നിതിൻ രാജിനും, കുടുംബത്തിനും നീതി ലഭ്യമാകുന്നതുവരെ കെ.പി.എം.എസ് പ്രക്ഷോഭ രംഗത്തുണ്ടാകുമെന്നും എന്നാൽ ഇതിൻ്റെ പേരിൽ ചില ദളിത് സംഘടനകൾ ഏപ്രിൽ 28ന് പ്രഖ്യാപിച്ചിരിക്കുന്ന ഹർത്താലിന് പിന്തുണയില്ലന്ന് കെ.പി.എം.എസ് സംസ്ഥാന പ്രസിഡൻ്റ് അഡ്വ. എ.സനീഷ്കുമാർ പറഞ്ഞു. കെ.പി.എം.എസ് ജില്ലാ നേതൃയോഗം കോട്ടയത്ത് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സംസ്ഥാന വൈസ് പ്രസിഡൻ്റ് എം.റ്റി.മോഹനൻ അദ്ധ്യക്ഷത വഹിച്ചു. അഖിൽ.കെ.ദാമോദരൻ, കെ.കെ.കൃഷ്ണകുമാർ, ഇ.കെ.തങ്കപ്പൻ, മിനിസിബി തുടങ്ങിയവർ സംസാരിച്ചു.
