കുമ്മനം രാജശേഖരൻ്റെ മൂന്നാം ഘട്ട സ്ഥാനാർത്ഥി പര്യടനം നാളെ മുതൽ ; നാളെ ഇലന്തൂർ പഞ്ചായത്തിലും പത്തനംതിട്ട നഗരസഭയിലും

കോഴഞ്ചേരി: തെരഞ്ഞെടുപ്പ് പ്രവർത്തനങ്ങളുടെ രണ്ട് ഘട്ടം പൂർത്തിയാക്കിയ എൻഡിഎ സ്ഥാനാർത്ഥി കുമ്മനം രാജശേഖരൻ്റെ സ്ഥാനാർത്ഥി പര്യടനം നാളെ ആരംഭിക്കും. നാളെ രാവിലെ 8 മണിക്ക് ഇലന്തൂരിൽ നിന്ന് ആരംഭിക്കുന്ന പര്യടനം മുൻ കേന്ദ്ര മന്ത്രി അൽഫോൺസ് കണ്ണന്താനം IAS ഉദ്ഘാടനം ചെയ്യും. 11 മണിയോടെ ഇലന്തൂർ പഞ്ചായത്തിലെ പര്യടനം പൂർത്തിയാക്കും. തുടർന്ന് ഉച്ചയ്ക്ക് ശേഷം 3 മണി മുതൽ പത്തനംതിട്ട നഗരസഭയിൽ വിവിധ കേന്ദ്രങ്ങളിൽ സ്ഥാനാർത്ഥി പര്യടനം നടക്കും .

ഏപ്രിൽ 2 ന് രാവിലെ 8 മുതൽ 11.30വരെ തോട്ടപ്പുഴശ്ശേരി ഇരവിപേരൂർ പഞ്ചായത്തുകളിലും ഉച്ചയ്ക്ക് ശേഷം 3 മുതൽ കോയിപ്രം പഞ്ചായത്തിലും പര്യടനം നടത്തും . 3 ന് രാവിലെ 8 മുതൽ മല്ലപ്പുഴശ്ശേരി ,നാരങ്ങാനം പഞ്ചായത്തുകളിലും വൈകിട്ട് 4 .15 മുതൽ കോഴഞ്ചേരി പഞ്ചായത്തിൽ പര്യടനം തുടരും. 5 ന് രാവിലെ 8 മുതൽ കുളനട പഞ്ചായത്തിലും ഉച്ചയ്ക്ക് ശേഷം 3 മണിക്ക് ആറന്മുള പഞ്ചായത്തിലും പര്യടനം നടത്തും. പ്രധാനമന്ത്രിയുടെ സന്ദർശനവുമായി ബന്ധപ്പെട്ട് നാലാം തീയതി നിശ്ചയിച്ച മെഴുവേലി , ചെന്നീർക്കര പഞ്ചായത്തിലെ പര്യടനത്തിന് മാറ്റം വരുത്തിയിട്ടുണ്ട്.

ആദ്യ രണ്ടു ഘട്ടങ്ങളിലായി മണ്ഡലത്തിലുൾപ്പെട്ട 12 പഞ്ചായത്ത് കളിലും പത്തനംതിട്ട നഗരസഭയിലുമായി കുടുംബ സംഗമങ്ങളിൽ പങ്കെടുത്തു. പൗരപ്രമുഖരെയും , സമുദായ സംഘടനാ നേതാക്കന്മാരെയും , ആദ്ധ്യാത്മിക ആചാര്യന്മാരെയും സന്ദർശിച്ചു പിന്തുണ തേടി. മണ്ഡലത്തിലെ എല്ലാ ബൂത്തുകളിലും പ്രചരണ പ്രവർത്തനങ്ങളും സ്ക്വാഡ് വർക്കുകളും നടന്നു വരുന്നു. കഴിഞ്ഞ ഞായറാഴ്ച എല്ലാ ബൂത്ത് കളിലും മഹാ സമ്പർക്കം നടത്തിയിരുന്നു.