നിർത്തിയിട്ടിരുന്ന കാറിനുള്ളിൽ യുവാവിനെ മരിച്ച നിലയിൽ കണ്ടെത്തി

ചങ്ങനാശ്ശേരി : മാർക്കറ്റിലെ ബോട്ട് ജെട്ടിക്ക് സമീപം നിർത്തിയിട്ടിരുന്ന കാറിനുള്ളിൽ കേറ്ററിംഗ് സർവ്വീസ് സ്ഥാപന ഉടമയായ യുവാവിനെ മരിച്ച നിലയിൽ കണ്ടെത്തി. പായിപ്പാട് കൊച്ചുപള്ളി കണ്ണൻകോട്ടാൽ വീട്ടിൽ ക്രിസ്റ്റിൻ ആൻ്റെണിയെ (37 വയസ്സ്) ആണ് കാറിനുള്ളിൽ മരിച്ച നിലയിൽ കണ്ടെത്തിയത്. ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം. കാറ്ററിങ് ആവശ്യത്തിന് മാർക്കറ്റിൽ നിന്നും സാധനങ്ങൾ വാങ്ങുന്നതിന് വേണ്ടി എത്തിയതാണ്. ഏറെ നേരമായി എ.സി അടക്കം പ്രവർത്തിപ്പിച്ചു കൊണ്ട് കാറ് നിർത്തിയിട്ടിരിക്കുന്നത് ശ്രദ്ധയിൽപ്പെട്ട സമീപവാസികൾ പരിശോധിച്ചപ്പോൾ ആണ് യുവാവിനെ മരിച്ച നിലയിൽ കണ്ടെത്തിയത്.. ഉടൻ പോലീസിൽ വിവരം അറിയിച്ച് സ്വകാര്യ ആശുപത്രിയിൽ പ്രവേശിപ്പിച്ചു. ഓൾ കേരള ക്യാറ്ററിങ് അസോസിയേഷൻ താലൂക്ക് ട്രഷറർ ആയിരുന്നു മരണപ്പെട്ട ക്രിസ്റ്റിൻ.

@abey.cherian.92