അപകടക്കെണിയായി ഒരു ചപ്പാത്ത് കൽക്കെട്ട്

കോന്നി – അതുമ്പുംകുളം റൂട്ടിൽ റോഡിലേക്ക് തള്ളിനിൽക്കുന്ന ചപ്പാത്ത് കാട് മൂടിയ നിലയിൽ. ചപ്പാത്ത് റോഡിലേക്ക് തള്ളിയിരിക്കുന്നത് കാരണം കഴിഞ്ഞ ദിവസം ബാക്കിൽവന്ന ചെറുപ്പക്കാരന് ഉണ്ടായ അപകടത്തിൽ ഗുരുതര പരിക്ക് പറ്റി ആശുപത്രിയിലാണ്. ദൂരെ നിന്നും വരുന്ന ഇരുചക്ര വാഹനങ്ങൾക്ക് കാടുമൂടിയ ഈ ഒരു ചപ്പാത്ത് ഇവിടെ ഉള്ളതായി അറിയാൻ സാധിക്കുകയില്ല. ലോകോത്തര നിലവാരത്തിൽ എന്നൊക്കെ അവകാശപ്പെടുന്ന പിഡബ്ല്യുഡി അതീനതയിലുള്ള ഈ റോഡിൽ അപകടങ്ങൾ തുടർന്നും ഉണ്ടാകാതിരിക്കാൻ അടിയന്തരമായി ജനപ്രതിനിധികൾ ഉൾപ്പെടെ നടപടി സ്വീകരിക്കണം എന്നാണു നാട്ടുകാരുടെ അഭ്യർത്ഥന. ഇവിടം വൃത്തിയാക്കി കൽക്കെട്ട് മുന്നറിയിപ്പ് പെയിന്റായ മഞ്ഞ അടിച്ചു പ്രദർശിപ്പിക്കണം. ഈ ഉയർന്നു നിക്കുന്ന കൽക്കെട്ടിൽ റിഫ്ളക്ടർ പിടിപ്പിക്കണം. റോഡുകളിൽ അപകട സാദ്ധ്യതയുള്ള സ്ഥലങ്ങളിലെല്ലാം ഇത് കൃത്യമായി നടക്കണം. കേരളത്തിൽ പ്രത്യേകിച്ചും ഇങ്ങനെയുള്ള കാര്യങ്ങളിൽ ആർക്കും ഒരു ശ്രദ്ധയില്ലെന്നതാണ് വാസ്തവം. സൂക്ഷിക്കേണ്ടത് ജനങ്ങൾ മാത്രം. !!