പന്തളം: കെഎസ്ആർടിസി സ്വിഫ്റ്റ് ബസും സ്കൂട്ടറും കൂട്ടിയിടിച്ച് യുവാവ് മരിച്ചു. പൂഴിക്കാട് ചാരുനിക്കുന്നതിൽ എച്ച്. വിഷ്ണു(ഉണ്ണി 35) വാണ് മരിച്ചത്. എംസി റോഡിൽ മണികണ്ഠൻ ആൽത്തറയ്ക്ക് സമീപം വ്യാഴാഴ്ച രാത്രി പത്തിനായിരുന്നു അപകടം. ഒപ്പമുണ്ടായിരുന്ന തോന്നല്ലൂർ ഉളമയിൽ ശരത്ത് ( 32)രക്ഷപ്പെട്ടു. തിരുവനന്തപുരം ഭാഗത്തേക്ക് വരികയായിരുന്ന കെ.എസ്.ആർ.ടി.സിയുടെ സ്വിഫ്റ്റ് ബസ് എതിർ ദിശയിൽ വരികയായിരുന്ന ആക്ടീവ സ്കൂട്ടറിൽ ഇടിക്കുകയായിരുന്നു. ഗുരുതരമായി പരുക്കേറ്റ വിഷ്ണുവിനെ സ്വകാര്യ ആശുപത്രിയിൽ പ്രാഥമിക ശുശ്രൂഷ നൽകി പരുമല ആശുപത്രിയിലേക്ക് കൊണ്ടുപോകുമ്പോഴാണ് മരിച്ചത്. ഭാര്യ: അഖില. മക്കൾ :ജ്യോതിഷ്, ആതിഷ്. സംസ്കാരം നടത്തി. പന്തളം പോലീസ് മേൽ നടപടികൾ സ്വീകരിച്ചു.
