തിരുവനന്തപുരം: കേരളത്തിൽ ഇന്ത്യന് നിര്മിത വിദേശ മദ്യത്തിനും ബിയറിനും വൈനും ഒക്കെ വില കൂട്ടി. മദ്യനിര്മാണ കമ്പനികളുടെ വളരെക്കാലമായുള്ള ആവശ്യം കണക്കിലെടുത്താണ് തീരുമാനം. ശരാശരി 10 ശതമാനം വരെയാണ് വിലവർദ്ധന. വിവിധ ബ്രാന്റുകള്ക്ക് 10 മുതല് 50 രൂപ വരെയാണ് വർദ്ധിക്കുക. തിങ്കളാഴ്ച മുതല് പുതിയ വില പ്രാബല്യത്തില് വരും.
ബെവ്കോയുടെ നിയന്ത്രണത്തില് ഉത്പാദിപ്പിക്കുന്ന ജവാന് റമ്മിനും വില കൂട്ടി. ജവാന് 10 രൂപയാണ് കൂട്ടിയത്. 640 രൂപയുടെ മദ്യത്തിന് ഇനി 650 രൂപ നല്കണം. പുതുക്കിയ മദ്യ വില വിവര പട്ടിക ബെവ്കോ പുറത്തിറക്കിയിട്ടുണ്ട്. ഇത് പ്രകാരം 62 കമ്പനികളുടെ 341 ബ്രാന്റുകള്ക്ക് വില വർദ്ധിക്കും. ചില ബ്രാന്ഡുകളുടെ വിലയില് മാറ്റമില്ല.
ബെവ്കോയും മദ്യക്കമ്പനികളും തമ്മിലുള്ള ‘റേറ്റ് കോണ്ട്രാക്ട്’ അനുസരിച്ചാണു മദ്യവില നിശ്ചയിക്കുന്നത്. എല്ലാ വര്ഷവും വിലവർദ്ധന കമ്പനികള് ആവശ്യപ്പെടാറുണ്ട്. ചില വര്ഷങ്ങളില് ഇത് അനുവദിച്ചു നല്കാറുണ്ട്. നിലവില് കമ്പനികളുമായി നടത്തിയ ചര്ച്ചയ്ക്ക് ശേഷമാണ് വില വർദ്ധിപ്പിച്ചതെന്നാണ് ബെവ്കോ സിഎംഡി ഹര്ഷിത അട്ടല്ലൂരി അറിയിച്ചത്.
