പ്രവാസികളോട് ആകാശക്കൊള്ള

തിരുവനന്തപുരം : ഗൾഫിൽ വേ​ന​ല​വ​ധി​യു​ടെ ഭാ​ഗ​മാ​യി വി​ദ്യാ​ല​യ​ങ്ങ​ൾ അ​ട​ക്കുന്ന സാ​ഹ​ച​ര്യ​ത്തി​ൽ പ്ര​വാ​സി​ക​ളെ കൊള്ളയടിക്കാൻ മത്സരിക്കുകയാണ് വി​മാ​ന​ക്ക​മ്പ​നി​ക​ൾ. വി​മാ​ന​ക്ക​മ്പ​നി​ക​ൾ ടി​ക്ക​റ്റ് നി​ര​ക്ക് ഇപ്പോൾ ഇ​ര​ട്ടി​യി​ലേ​റെ​വ​ർ​ദ്ധിപ്പി​ച്ചിരിക്കുകയാണ് .

വേ​ന​ല​വ​ധി​ക്കാ​ല​ത്തു ഗ​ൾ​ഫ് -​ കേ​ര​ള യാ​ത്രാ​ക്കാ​രെ കൊ​ള്ള​യ​ടി​ക്കു​ന്ന​ത് എ​ല്ലാ​വ​ർ​ഷ​വും ഉ​ണ്ടാ​കാ​റു​ണ്ടെ​ങ്കി​ലും ഇ​ത്ത​വ​ണ രൂ​ക്ഷ​മാ​ണ് കാ​ര്യ​ങ്ങ​ൾ. എ​യ​ർ ഇ​ന്ത്യ​യും വി​ദേ​ശ വി​മാ​ന​ക്ക​മ്പ​നി​ക​ളും ഒ​രേ വ​ർ​ദ്ധന​യാ​ണ് വ​രു​ത്തി​യ​ത്. ജി​ദ്ദ, ദു​ബാ​യ്, ഷാ​ർ​ജ എ​ന്നി​വി​ട​ങ്ങ​ളി​ൽ​നി​ന്ന് കേ​ര​ള​ത്തി​ലേ​ക്കു​ള്ള നി​ര​ക്കി​ലാ​ണ് ഏ​റ്റ​വും വ​ലി​യ വ​ർ​ദ്ധന. 20,000 മു​ത​ൽ 22,000 വ​രെ​യു​ണ്ടാ​യി​രു​ന്ന ജി​ദ്ദ-​ക​രി​പ്പൂ​ർ നി​ര​ക്ക് 43,675 രൂ​പ​യാ​യി. ഷാ​ർ​ജ ക​രി​പ്പു​ർ നി​ര​ക്ക് 12,000 മു​ത​ൽ 14,000 വ​രെ​യു​ണ്ടാ​യി​രു​ന്ന​ത് 46,952 രൂ​പ​യാ​ക്കി. ഷാ​ർ​ജ-​കൊ​ച്ചി നി​ര​ക്ക് 45,000ത്തി​ന് മു​ക​ളി​ലാ​ണ്. ദു​ബാ​യ്-​ക​രി​പ്പു​ർ‍, ദു​ബാ​യ്-​കൊ​ച്ചി, ദു​ബാ​യ് തി​രു​വ​ന​ന്ത​പു​രം നി​ര​ക്കും 40,000 മു​ത​ൽ 43,000 വ​രെ​യെ​ത്തി.

മ​സ്‌​ക​റ്റ് -ക​രി​പ്പു​ർ , മ​സ്‌​ക​റ്റ്- കൊ​ച്ചി, മ​സ്‌​ക​റ്റ് -തി​രു​വ​ന​ന്ത​പു​രം നി​ര​ക്കി​ലാ​ണ് നേ​രി​യ കു​റ​വ്. 29,000ത്തി​നും 30,000ത്തി​നും ഇ​ട​യി​ൽ ടി​ക്ക​റ്റ് ല​ഭ്യ​മാ​കും. കേ​ര​ള​ത്തി​ൽ​നി​ന്ന് ഗ​ൾ​ഫ് നാ​ടു​ക​ളി​ലേ​ക്കു​ള്ള നി​ര​ക്കി​ലും വ​ർ​ധ​ന​യു​ണ്ട്. യു​എ​ഇ സെ​ക്ട​റി​ലേ​ക്ക് 9000 മു​ത​ൽ 13,000 വ​രെ​യു​ണ്ടാ​യി​രു​ന്ന നി​ര​ക്ക് 17,000 മു​ത​ൽ 20,000 വ​രെ ഉ​യ​ർ​ത്തി. മൂ​ന്നു​മാ​സ​ത്തി​നി​ടെ മൂ​ന്നാ​മ​ത്തെ വ​ർ​ദ്ധന​യാ​ണി​ത്. കേ​ര​ള​ത്തി​ലെ വേ​ന​ല​വ​ധി​യും റം​സാ​ൻ, വി​ഷു ആ​ഘോ​ഷ​ങ്ങ​ളും ക​ണ​ക്കി​ലെ​ടു​ത്ത് മാ​ർ​ച്ച് അ​വ​സാ​ന​വാ​രം നി​ര​ക്ക് വ​ർ​ദ്ധി​പ്പി​ച്ചി​രു​ന്നു. മേ​യ് പ​കു​തി​യോ​ടെ നി​ര​ക്ക് കു​റ​ച്ചെ​ങ്കി​ലും ഇ​പ്പോ​ൾ വീ​ണ്ടും കൂ​ട്ടി​യി​രി​ക്കു​ക​യാ​ണ്.