"സോക്കർ ഫെസ്റ്റ് 2026 " ബ്രൗഷർ പ്രകാശനം ചെയ്തു.

അബുദാബി: സർ സയ്യിദ് കോളേജ് തളിപ്പറമ്പ അലുമിനി അബുദാബി ചാപ്റ്റർ (SSCAAD) ഒക്ടോബർ 17ന് ഹുദൈരിയാത്ത് ഗ്രൗണ്ടിൽ വെച്ച് സംഘടിപ്പിക്കുന്ന സോക്കർ ഫെസ്റ്റ് 2026 ഫുട്ബോൾ ടൂർണ്ണമെന്റിന്റെ ബ്രോഷർ പ്രകാശനകർമ്മം കേരള ഫിഷറീസ് – സാമൂഹ്യ നീതി വകുപ്പ് മന്ത്രി അഡ്വ. വി.ഇ. അബ്ദുൽ ഗഫൂർ നിർവ്വഹിച്ചു.

അബുദാബി ഇന്ത്യൻ ഇസ്ലാമിക്‌ സെന്ററിൽ വെച്ചു നടന്ന ചടങ്ങിൽ അലുമിനി വർക്കിംഗ്‌ ചെയർമാൻ സി.എച്ച് മുഹമ്മദലി, ജനറൽ സെക്രട്ടറി നൗഫൽ സി.പി, IIC ജനറൽ സെക്രട്ടറി അഡ്വ: കെ വി മുഹമ്മദ്‌ കുഞ്ഞി, വർക്കിംഗ്‌ പ്രസിഡണ്ട് വി.പി.കെ അബ്ദുള്ള, അലുംനി രക്ഷാധികാരികളായ കാസിം അബൂബക്കർ, കെ.വി അഷ്‌റഫ്‌, റഫീഖ് എസ്.എൽ.പി, അലൂംനി സ്പോർട്സ് വിംഗ് ജനറൽ കൺവീനർ ഷക്കീർ അഹ്‌മദ്‌, ഭാരവാഹികളായ സഹീദ് വി, റാഷിദ് ഹമീദ്, അഫ്സൽ കെസി എന്നിവർ പങ്കെടുത്തു.

സേഫ് ലൈൻ ഗ്രൂപ്പ്‌ ഓഫ് കമ്പനീസ് മാനേജിങ് ഡയറക്ടർ ഡോക്ടർ അബൂബക്കർ കുറ്റിക്കോൽ അതിഥി ആയിരുന്നു. അലുമിനി ചെയർമാൻ അജയ് കുമാർ, ട്രെഷറർ സൽസബീൽ ഹംസ എന്നിവർ ആശംസകൾ നേർന്നു.