ഇലന്തൂർ ഇടപ്പരിയാരത്ത് മണി മാഷിന് ചരിത്രജയം : പഞ്ചായത്തിന്റെ വികസന മുരടിപ്പ് ചൂണ്ടിക്കാട്ടി കെ.ജി റെജി ( മണി മാഷ് )

ഇലന്തൂർ – ചുവന്ന കോട്ടയിൽ മൂവർണ്ണക്കൊടി ഉയർന്നു. രണ്ടു അദ്ധ്യാപകരും ശിഷ്യനും പോരാടിയ ഇടപ്പരിയാരം വാർഡിൽ “മണി മാഷ്” ജനഹൃദയങ്ങൾ കയ്യടക്കി. വിജയത്തിന് ശേഷം ഇലന്തൂർ പഞ്ചായത്തിന്റെ വികസന മുരടിപ്പ് ചൂണ്ടിക്കാട്ടി അദ്ദേഹം പറഞ്ഞു.

തകർന്ന റോഡുകളും, പന്നി- പാമ്പ്- തെരുവ് നായ് ശല്യങ്ങളും അടക്കമുള്ള വർഷങ്ങളായുള്ള നാടിനോടുള്ള അവഗണനക്കെതിരെ ജനങ്ങൾ വോട്ടിലൂടെ മറുപടി നൽകി. അധികാര മോഹത്തിനും, കെടുകാര്യസ്ഥതയ്ക്കുമെതിരായ വിധി എന്നുതന്നെ പറയാം.

വാർഡിനെ അലട്ടിയ ജനപ്രശ്‌നങ്ങൾ: മണി മാഷ് തിരഞ്ഞെടുപ്പിൽ ചൂണ്ടികാട്ടിയത്..

• തകർന്ന റോഡുകൾ – വർഷങ്ങളായി പുനരുദ്ധരണം നടന്നിട്ടില്ലെന്ന ജനങ്ങളുടെ പരാതി.
• വെള്ളമില്ലാത്ത പൈപ്പ് ലൈൻ – പൊട്ടിക്കിടക്കുന്ന പൈപ്പുകൾ; കുടിവെള്ളത്തിനായി ദിവസങ്ങളോളം കാത്തിരിക്കുക എന്ന ദുരവസ്ഥ.
• കത്താത്ത സ്ട്രീറ്റ് ലൈറ്റുകൾ – രാത്രിയോടെ ഇരുട്ടിൽ മുങ്ങുന്ന വഴികൾ; സുരക്ഷാപ്രശ്‌നങ്ങൾ കൂടുതലായി.
• തെരുവ് നായ– പന്നി– പാമ്പ് ശല്യം – കുട്ടികൾക്കും മുതിർന്നവർക്കും ആശങ്കയുണ്ടാക്കിയതുമായ സ്ഥിരം പ്രശ്‌നം.
• എതിർക്കുന്നവരെ ഒറ്റപ്പെടുത്തുകയും, അവഹേളിക്കുകയും, അവഗണിക്കുകയും, നശിപ്പിക്കാനും, കൊലപ്പെടുത്താനും ശ്രമിക്കുകയും ചെയ്യുന്ന രാഷ്ട്രീയം.

“വികസനം പൂട്ടിയിടപ്പെട്ട വാർഡിനെ ജനങ്ങൾ തന്നെയാണ് പുതിയ വികസന പാത തുറന്നത്”
“ജയമല്ല, ഉത്തരവാദിത്വമാണ് ഞാൻ ഏറ്റെടുക്കുന്നത്” എന്നും അദ്ദേഹം പറഞ്ഞു.