അരുമയായ നായയുടെ ഉടമയെ തേടി പൊതുപ്രവർത്തകൻ.

എടത്വ – കഴിഞ്ഞ 2 ദിവസം മുമ്പ് ഇവൻ വിശന്ന് വീടിന്റെ പരിസരത്തും അയൽവീടുകളിലും അലഞ്ഞ് തിരിഞ്ഞ് നടക്കുന്നത് ശ്രദ്ധയിൽപ്പട്ടു…ഞാൻ ഗേറ്റ് തുറന്ന് പുറത്തേക്ക് ഇറങ്ങിയപ്പോൾ ഇവൻ സ്നേഹപ്രകടനങ്ങൾ കാണിച്ചു.ആദ്യം ഭയം തോന്നിയെങ്കിലും അനുസരണത്തോടെ യുള്ള പെരുമാറ്റം കണ്ടപ്പോൾ ആഹാരം നല്കി. ഇന്നലെ രാവിലെ 4.30ന് പെരുമ്പാവൂരിലേക്ക് പോകാൻ ഇറങ്ങിയപ്പോൾ കാർ പോർച്ചിൽ കിടന്ന് ഉറക്കം…

അനുജൻ സാം വീട്ടിലേക്ക് എത്തിയപ്പോൾ കുരച്ച് കൊണ്ട് ആദ്യം ചാടിവീണെങ്കിലും പിന്നീട് അനുസരിച്ചു.. വണ്ടി എടുക്കാൻ സഖാവ് പിഡി സുരേഷ് എത്തിയപ്പോൾ ഇത് തന്നെ അനുഭവം …. ഞങ്ങൾ വൈകിട്ട് മടങ്ങി വന്നപ്പോൾ ഇവൻ കാർ പോർച്ചിൽ തന്നെയുണ്ട്. വീട്ടിലെ മറ്റ് അരുമകൾക്ക് ഭക്ഷണം കൊടുത്തപ്പോൾ ഇവനും കഴിച്ചു.. .. ഇന്ന് (16.07. 2025) രാവിലെ 4ന് കതക് തുറന്ന് നോക്കിയപ്പോൾ വരാന്തയിൽ സുഖ ഉറക്കം.