പ്രക്കാനം – കൈതവന ശ്രീ ദുർഗാ ഭഗവതി ഹനുമാൻ ക്ഷേത്രത്തിൽ നിന്ന് കുറച്ചു മാറി 40 വർഷമായി ആൾത്താമസം ഇല്ലാത്ത കുടുംബ ക്ഷേത്രത്തോടു ചേർന്നുള്ള അറയും വീടും വൈകിട്ട് കത്തിച്ചുവച്ച വിളക്കിൽ നിന്നും തീ പടർന്നു ഭാഗികമായി കത്തി നശിച്ചു. പത്തനംതിട്ടയിൽ നിന്നും 2 യൂണിറ്റ് ഫയർ ഫോഴ്സ് എത്തി തീയണച്ചു.
ചെന്നീർക്കര പഞ്ചായത്ത് മൂന്നാം വാർഡിൽ ചെറുവള്ളി ശ്രീ. വിശ്വനാഥൻ നായരുടെ ഉടമസ്ഥതയിലുള്ള വീട്. ഈ സ്ഥലത്ത് ആൾത്താമസം കുറവുള്ള ഭാഗമായതിനാലും, ചുറ്റിനും കാടുപോലെ മരങ്ങൾ ഉള്ളതിനാലും ഈ വീടിനു തീപ്പിടിച്ചത് വളരെ താമസിച്ചാണ് നാട്ടുകാർ അറിഞ്ഞത്.
രാത്രി 11.50 ഓടെ യാണ് നാട്ടുകാർ അഗ്നിശമന സേനയെ വിവരം അറിയിക്കുന്നത്. പത്തനംതിട്ട ഫെയർ ഓഫീസ് അസിസ്റ്റന്റ് സ്റ്റേഷൻ ഓഫീസർ എ. സാബുവിന്റെ നേതൃത്വത്തിൽ സീനിയർ ഫയർ &റെസ്ക്യൂ ഓഫീസർ A. P. ദില്ലു, ഫയർ & റെസ്ക്യൂ ഓഫീസർ മാരായ എസ്. ഷാജികുമാർ, അസീം, അജു, വിഷ്ണു, അജിലേഷ്, അനുരാജ്, തൻസീർ, ഹോം ഗാർഡ് മാരായ ഡേവിഡ്, രാജേഷ്, നസീർ തുടങ്ങിയവർ തീയണക്കുന്നതിൽ പങ്കാളികളായി.
