എടത്വ : തലവടി ചുണ്ടൻ വള്ളം ഓവർവീസ് ഫാൻസ് അസോസിയേഷൻ അറിവിന്റെ ട്രാക്കിലേക്ക് ചുവട് വയ്ക്കുന്ന തലവടിയുടെ ഭാവി തലമുറയ്ക്ക് ‘സ്നേഹ സമ്മാനം’ നല്കി .
തലവടി പഞ്ചായത്തിലെ തെരഞ്ഞെടുക്കപ്പെട്ട എട്ട് സ്കൂളുകളിലെ 240 നിർധനരായ വിദ്യാർത്ഥികൾക്കാണ് നോട്ടു ബുക്കുകൾ നല്കുന്നത്. വിതരണോദ്ഘാടന ചടങ്ങ് തലവടി ന്യൂ എൽ. പി സ്കൂളിൽ തലവടി ചുണ്ടൻ വള്ളം സമിതി ജനറൽ സെക്രട്ടറി റിക്സൺ ഉമ്മൻ എടത്തിൽ നിർവഹിച്ചു.തലവടി ചുണ്ടൻ വള്ളം ഓവർവീസ് ഫാൻസ് അസോസിയേഷൻ പ്രസിഡന്റ് ലിജു വർഗീസ് അധ്യക്ഷത വഹിച്ചു.ഡോ. ജോൺസൺ വി.ഇടിക്കുള ആമുഖ സന്ദേശം നല്കി .ബ്ളോക്ക് പഞ്ചായത്ത് അംഗം അജിത് പിഷാരത്ത് , പ്രധാന അധ്യാപിക എൽസമ്മ ദേവസ്യ , പി.ടി. എ പ്രസിഡന്റ് ടി.കെ ഹരിദാസ്, ശിവദാസ് ശിവരാമൻ, കലേഷ് കമൽ, എബി പൗലോസ്, ജി മിനി , ജിജി തോമസ്, വി ജെ സബിത , പി.എ നിസ്സമോൾ, പി പ്രസീദ എന്നിവർ പ്രസംഗിച്ചു.
പുതു തലമുറയെ ജലോത്സവ പ്രേമികൾ ആക്കുന്നതിന് ലക്ഷ്യമിട്ട് വിതരണം ചെയ്യുന്ന ബുക്കുകൾ പ്രത്യേകം ഡിസൈൻ ചെയ്തതും പുറം ചട്ടകളിൽ തലവടി ചുണ്ടൻ വള്ളത്തിന്റെ ചിത്രം ആലേഖനവും ചെയ്തിട്ടുണ്ട്.
തലവടി ഗ്രാമത്തിൽ സാമൂഹിക പ്രതിബദ്ധതയുള്ള നിരവധി കർമ്മ പരിപാടികൾ തലവടി ചുണ്ടൻ ഓവർസീസ് ഫാൻസ് അസോസിയേഷൻ ഇതിനോടകം ഏറ്റെടുത്ത് നടത്തിയിട്ടുണ്ടെന്നും ജന ക്ഷേമ പദ്ധതികളുമായി തലവടി ടൗൺ ബോട്ട് ക്ലബ് ഉണ്ടാകുമെന്നും ടി.ടി.ബി.സി പ്രസിഡന്റ് ഷിനു എസ് പിള്ള, ഖജാൻജി അരുൺ പുന്നശ്ശേരിൽ, ടോഫാ സെക്രട്ടറി കെഎസ് സന്ദീപ് എന്നിവർ അറിയിച്ചു.
