കേരളാ കോൺഗ്രസ് ( എം ) പത്തനംതിട്ട ജില്ലാ നേതൃത്വ സമ്മേളനം

പത്തനംതിട്ട: കേന്ദ്ര അന്വേഷണ ഏജൻസികളെ ദുരുപയോഗിച്ച് പ്രതിപക്ഷത്തെ നേരിടാനാണ് ബി.ജെ.പി സർക്കാർ ശ്രമിക്കുന്നതെന്ന് കേരളാ കോൺഗ്രസ് (എം) ജില്ലാ കമ്മറ്റി ആരോപിച്ചു. ഇത് ജനാധിപത്യസംവിധാനം തകർക്കാനാണെന്നും യോഗം ആരോപിച്ചു. ബി.ജെ.പി.യുടെ വെല്ലുവിളി നേരിടാൻ ഇടതുപക്ഷത്തിനു മാത്രമേ കഴിയു . സ്ഥാനാർത്ഥി ഡോ.തോമസ് ഐസക്കിന്റെ തെരഞ്ഞെടുപ്പ് പ്രവർത്തനത്തിന് സ്ക്വാഡുകൾ രൂപീകരിച്ചു. ജില്ലാ പ്രസിഡന്റ് ചെറിയാൻ പോളച്ചിറയ്ക്കൽ അദ്ധ്യക്ഷത വഹിച്ചു. ഉന്നതാധികാരസമിതി അംഗം റ്റി. ഓ ഏബ്രഹാം തോട്ടത്തിൽ യോഗം ഉദ്ഘാടനം ചെയ്തു. സംസ്ഥാന ജനറൽ സെക്രട്ടറി സജി അലക്സ്, ഏബ്രഹാം വാഴയിൽ, ജോർജ്ജ് ഏബ്രഹാം, ആലിച്ചൻ ആറൊന്നിൽ, കുര്യൻ മടക്കൽ, സജു മിഖായേൽ, റഷീദ് മുളന്തറ, സോമൻ താമരച്ചാലിൽ, രാജീവ് വഞ്ചിപ്പാലം, എന്നിവർ പ്രസംഗിച്ചു.