റാന്നിയിൽ കാർ അപകടം ; ദമ്പതികൾ പരുക്കേൽക്കാതെ രക്ഷപ്പെട്ടു

റാന്നി: നിയന്ത്രണം വിട്ട കാർ വശത്തേക്ക് മൂക്കുകുത്തി. ദമ്പതികൾ പരുക്കേൽക്കാതെ രക്ഷപ്പെട്ടു. വലിയ പാലത്തിന് സമീപം തിങ്കൾ ഉച്ചയ്ക്ക് രണ്ടു മണിയോടു കൂടിയാണ് സംഭവം. അങ്ങാടി വലിയകാവ് ഈട്ടിച്ചുവട് മണിമലേത്ത് അലക്‌സും ഭാര്യയും സഞ്ചരിച്ചിരുന്ന കാറാണ് അപകടത്തിൽപ്പെട്ടത് ഇരുവർക്കും പരിക്കുകളില്ല.

റാന്നിയിൽ നിന്നും ഇട്ടിയപ്പാറയിലേക്ക് വരുകയായിരുന്ന വാഹനം നിയന്ത്രണം വിട്ടു വീടിന്റെ ഭിത്തിയിൽ ഇടിച്ച് നിൽക്കുകയായിരുന്നു. ഓടിക്കൂടിയ നാട്ടുകാരും അപകട സ്ഥലത്തുണ്ടായിരുന്ന പോലീസ് ഉദ്യോഗസ്ഥരും ചേർന്ന് ഇരുവരെയും വാഹനത്തിൽ നിന്ന് പുറത്തെടുക്കുകയായിരുന്നു.