Oman – മലയാളം ഒമാൻ ചാപ്റ്റർ ബഹുമുഖപ്രതിഭകളായ ഭാഷാധ്യാപകർക്ക് നൽകുന്ന പ്രഥമ ഗുരുദക്ഷിണ പുരസ്കാരം പത്തനംതിട്ട സെന്റ് മേരീസ് ഹൈസ്കൂൾ മലയാളം അധ്യാപകനും കുട്ടികളുടെ രാജ്യാന്തരപരിശീലകനും എഴുത്തുകാരനും വ്ളോഗറുമായ ബിനു കെ. സാമിന്. ഏപ്രിൽ 28ന് മലയാളം ഒമാൻ ചാപ്റ്റർ മസ്ക്കത്തിൽ സംഘടിപ്പിക്കുന്ന മലയാള മഹോത്സവത്തിൽ ഒരു ലക്ഷം രൂപയും പ്രശസ്തിപത്രവും ശിൽപവുമടങ്ങുന്ന പുരസ്കാരം സമർപ്പിക്കുമെന്ന് ചെയർമാൻ മുഹമ്മദ് അൻവർ ഫുല്ല, വൈസ് ചെയർമാൻ സദാനന്ദൻ എടപ്പാൾ, ജനറൽ സെക്രട്ടറി രതീഷ് പട്ടിയാത്ത് എന്നിവർ വാർത്തക്കുറിപ്പിൽ അറിയിച്ചു.
പത്തനംതിട്ട തേക്കുതോട് കുളത്തുങ്കൽ, അധ്യാപകദമ്പതികളായ സാമുവൽ കുളത്തുങ്കലിന്റെയും ജി.ദീനാമ്മയുടെയും മകനാണ് ബിനു കെ.സാം. ഭാര്യ കോട്ടയം സി.എം.എസ്. കോളജ് മലയാളവിഭാഗം അധ്യാപികയായ മിനി മറിയം സഖറിയ. മകൾ ആർച്ച ഡൈന ബംഗളുരു ൈക്രസ്റ്റ് യൂനിവേഴ്സിറ്റിയിൽ ബിരുദാനന്തരബിരുദ വിദ്യാർഥിയാണ്.
