ഇ.ഡി റെയ്ഡ് ;എൽ.ഡി.എഫ് പത്തനംതിട്ടയിൽ പ്രതിഷേധ മാർച്ച് നടത്തി.

പത്തനംതിട്ട – മുൻ മുഖ്യമന്ത്രിയും പ്രതിപക്ഷ നേതാവുമായ പിണറായി വിജയനെ എട്ടുമണിക്കൂറോളം സംസ്ഥാന പൊലീസിൻ്റെ നേതൃത്വത്തിൽ വീട്ടിൽ തടഞ്ഞു നിർത്തി ഇഡി നടത്തിയ റെയ്ഡിൽ പ്രതിഷേധിച്ച് ഇടതുപക്ഷ ജനാധിപത്യ മുന്നണിയുടെ നേതൃത്വത്തിൽ പത്തനംതിട്ട ടൗണിൽ പ്രകടനവും മാർച്ചും നടത്തി.

ഇന്ത്യൻ സോഷ്യലിസ്റ്റ് ജനതാദൾ സംസ്ഥാന പ്രസിഡൻ്റ് മാത്യൂ ടി തോമസ് മാർച്ച് ഉദ്ഘാടനം ചെയ്തു. സിപിഐ എം ജില്ലാ സെക്രട്ടറി രാജു ഏബ്രഹാം അധ്യക്ഷനായി. സിപിഐ ജില്ലാ സെക്രട്ടറി ചിറ്റയം ഗോപകുമാർ, സിപിഐ എം സംസ്ഥാന കമ്മിറ്റി അംഗം കെ പി ഉദയഭാനു, എൽഡിഎഫ് ജില്ലാ കൺവീനർ അലക്സ് കണ്ണമല, അഡ്വ. ഓമല്ലൂർ ശങ്കരൻ, പി ആർ പ്രസാദ്, കോമളം അനിരുദ്ധൻ,അഡ്വ. കെ യു ജനീഷ് കുമാർ എംഎൽഎ, ജോർജ് എബ്രഹാം,വി ആർ ഗോപിനാഥൻ, കെ എസ് അരുൺ മണ്ണടി, ബി ഷാഹുൽ ഹമീദ്, കുര്യൻ മടയ്ക്കൽ, അഡ്വ. മാത്തൂർ സുരേഷ്, കെ ഐ ജോസഫ്, ചെറിയാൻ ജോർജ് തമ്പു, ഡി.സജി തുടങ്ങിയവർ സംസാരിച്ചു.