പത്തനംതിട്ട – സാഹിത്യ പ്രവർത്തക സഹകരണസംഘം നാഷണൽ ബുക്ക് സ്റ്റാളിന്റെ ആഭിമുഖ്യത്തിലുള്ള പുസ്തകമേളയ്ക്ക് പത്തനംതിട്ടയിൽ പുരോഗമിക്കുന്നു. വൈഎംസിഎ ഹാളിൽ നഗരസഭാ ചെയർമാൻ അഡ്വ. ടി സക്കീർ ഹുസൈൻ മേള ഉദ്ഘാടനം ചെയ്തത്. സാഹിത്യപ്രവർത്തക സഹകരണസംഘം പ്രസിഡന്റ് അഡ്വ. പി കെ ഹരികുമാർ അദ്ധ്യക്ഷനായി. ഓഗസ്റ്റ് 9 വരെ പുസ്തകമേള ഉണ്ട്.
കേരള ഗ്രാമീൺബാങ്ക് കുട്ടികൾക്ക് സൗജന്യമായി നൽകുന്ന പുസ്തകങ്ങളുടെ വിതരണം ജനറൽ മാനേജർ പ്രദീപ് പത്മൻ, എഇഒ അമ്പിളി ഭാസ്കറിന് കൈമാറി നിർവഹിച്ചു. സഹകരണസംഘം ഡെപ്യൂട്ടി രജിസ്ട്രാർ എം പി സുജാത, സ്റ്റേറ്റ് ലൈബ്രറി കൗൺസിൽ എക്സിക്യൂട്ടീവംഗം പ്രൊഫ. ടി കെ ജി നായർ, ജില്ലാ ലൈബ്രറി കൗൺസിൽ സെക്രട്ടറി പി ജി ആനന്ദൻ, പ്രസ് ക്ലബ് പ്രസിഡന്റ് ബിജു കുര്യൻ, കേരള ഗ്രാമീൺ ബാങ്ക് റീജിയണൽ മാനേജർ എസ് ഉണ്ണിക്കൃഷ്ണൻ, വിനോദ് ഇളകൊള്ളൂർ എന്നിവർ സംസാരിച്ചു. സാഹിത്യപ്രവർത്തക സഹകരണസംഘം സെക്രട്ടറി എസ് സന്തോഷ്കുമാർ സ്വാഗതവും മാർക്കറ്റിങ് മാനേജർ ജി ബിപിൻ നന്ദിയും പറഞ്ഞു. മേളയിൽ എൻബിഎസ് പുസ്തകങ്ങൾക്കു പുറമേ മറ്റ് പ്രസാധകരുടെ പുസ്തകങ്ങളും ആകർഷകമായ വിലക്കുറവിൽ ലഭിക്കും.
What do you feel about this post?
Like
Love
Happy
Haha
Sad
