റെയിൽവെ ക്രോസ് ബാറിലിടിച്ച് ബൈക്ക് യാത്രക്കാരനായ യുവാവ് മരിച്ചു.

ആദരാജ്ഞലികൾ
അമ്പലപ്പുഴ – റെയിൽവെ ക്രോസ് ബാറിലിടിച്ച് ബൈക്ക് യാത്രക്കാരനായ യുവാവ് മരിച്ചു. മാന്നാർ കുട്ടമ്പേരൂർ സ്വദേശി രാഹുൽ സജി (27) ആണ് അപകടത്തിൽ മരിച്ചത്. തകഴി റെയിൽവെ ഗേറ്റിൽ ഇന്നലെ വൈകിട്ടായിരുന്നു അപകടം. ചാനൽ കോപ്പിയർ എന്ന സ്വകാര്യ സ്ഥാപനത്തിൽ ജോലി ചെയ്യുന്ന യുവാവ് മാന്നാറിലേക്ക് പോകുന്നതിനിടെയാണ് അപകടം സംഭവിച്ചത്. ട്രെയിൻ വരുന്നതിന് മുൻപായി ഗേറ്റ് അടയ്ക്കുന്നതിനിടെ ക്രോസ് ബാറിലിടിച്ചാണ് അപകടമുണ്ടായത്. തോപ്പിൽ കിഴക്കേതിൽ വീട്ടിൽ സജി – അജിത ദമ്പതികളുടെ മകനാണ്. സഹോദരന്‍ രാകേഷ്.