ശബരിമലയിലെത്തുന്ന കുട്ടികൾ കൂട്ടം തെറ്റുമെന്ന് പേടിക്കേണ്ട ... കയ്യിൽ ബാന്റ് കെട്ടിയാൽ മതി

சபரிமலைக்கு வரும் குழந்தைகள் குழுவில் தொலைந்து விடுவார்கள் என்ற பயம் வேண்டாம்... கையில் பேண்ட் மட்டும் கட்டிக் கொள்ளுங்கள்

സന്നിധാനം – ശബരിമലയിലെത്തുമ്പോൾ കൂട്ടംതെറ്റുമെന്ന് പേടിക്കേണ്ട. പേര്, സ്ഥലം, കൂടെയുള്ള ആളുടെ ഫോൺ നമ്പർ എന്നിവ രേഖപ്പെടുത്തിയ ബാന്റ് കയ്യിൽ ധരിപ്പിച്ചാണ് സന്നിധാനത്തേക്ക് ഓരോരുത്തരെയും കയറ്റിവിടുന്നത്. കൂട്ടം തെറ്റിയാലും കൂടെയുള്ളവരെ കാണാതായാലും പേടിക്കണ്ട. ഉടനെ കണ്ടുപിടിക്കാം. കുട്ടികൾ ,വയോധികർ, തീവ്രഭിന്നശേഷിക്കാർ എന്നിവർക്ക് പമ്പ മുതൽ തന്നെ പോലീസ് പ്രതേക സുരക്ഷ ഒരുക്കുന്നുണ്ട്. വനിതാ പോലീസിന്റെ നേതൃത്വത്തിലാണ് ഈ കരുതൽ നടപടി. കുട്ടികളടക്കം പ്രതിദിനം അയ്യായിരത്തോളം പേരെ കയ്യിൽ ബാന്റ് ധരിപ്പിച്ചാണ് മലകയറ്റുന്നത്. ഇതര സംസ്ഥാനങ്ങളിൽ നിന്നെത്തുന്ന തീർത്ഥാടകരുടെ വലിയ പരാതികൾക്കും പരിഭവങ്ങൾക്കുമാണ് കേരള പോലീസിന്റ ഈ സേവനത്തിലൂടെ വിരാമമാകുന്നത്.