തലവടി സി.എം.എസ് ഹൈസ്ക്കൂൾ പൂർവ്വ വിദ്യാർത്ഥി സംഗമം ഡിസംബർ 28ന്.

തലവടി : കുന്തിരിക്കൽ സി.എം.എസ് ഹൈസ്ക്കൂളിൽ പ്രീ പ്രൈമറി ഡേ കെയർ സ്കൂൾ ആരംഭിക്കുവാൻ പൂർവ്വ വിദ്യാർത്ഥി സംഘടന എക്സിക്യൂട്ടീവ് യോഗം തീരുമാനിച്ചു. ആദ്യ സംഭാവന പൂർവ്വ വിദ്യാർത്ഥി സംഘടന പ്രതിനിധി ശ്രീ. പ്രദീപ് ജോസഫിൽ നിന്നും പ്രസിഡന്റ് റവ മാത്യൂ ജിലോ നൈനാൻ സ്വീകരിച്ചു.ചടങ്ങിൽ ഹെഡ്‍മാസ്റ്റർ റെജിൽ സാം മാത്യു, പ്രോജക്ട് കൺവീനർ ജിബി ഈപ്പൻ,സ്ക്കൂൾ ഉപദേശക സമിതി അംഗം സജി ഏബ്രഹാം, ട്രഷറാർ എബി മാത്യൂ ചോളകത്ത്, ഓഡിറ്റർ അഡ്വ. ഐസക്ക് രാജു, ജനറൽ സെക്രട്ടറി ഡോ.ജോൺസൺ വി ഇടിക്കുള എന്നിവർ പ്രസംഗിച്ചു. 1840 ൽ സ്ഥാപിതമായ തലവടി കുന്തിരിക്കൽ സി.എംഎസ് ഹൈസ്ക്കൂളിലെ പൂർവ്വ വിദ്യാർത്ഥി സംഘടനയുടെ നേതൃത്വത്തിൽ ഡിസംബർ 28ന് 3 മണിക്ക് മെഗാ പൂർവ്വ വിദ്യാർത്ഥി സംഗമവും 2025 ജനുവരി 26 ന് സമാപിക്കു ന്ന നിലയിൽ ബാഡ്മിന്റൺ ടൂർണമെന്റും നടത്തും. ജനറൽ കൺവീനർമാരായി പ്രദീപ് ജോസഫ് , എബി മാത്യൂ എന്നിവരെ തെരഞ്ഞെടുത്തു.