തലവടി : കുന്തിരിയ്ക്കൽ സിഎംഎസ് ഹൈസ്കൂളിൽ മെയ് 19ന് നടക്കുന്ന ആഗോള പൂർവ്വ വിദ്യാർത്ഥി അദ്ധ്യാപക സംഗമത്തിന് (‘വീണ്ടും കാൽപാടുകൾ’) മുന്നോടിയായി പതാക ജാഥ മെയ് 11ന് നടക്കും.
പൂർവ്വ വിദ്യാ൪ത്ഥിയും – അദ്ധ്യാപകനും ദേശീയ അദ്ധ്യാപക അവാർഡ് ജേതാവുമായ പി.ഐ. ചാണ്ടിയുടെ വസതിയിൽ നിന്നും 3 മണിക്ക് നടക്കുന്ന ചടങ്ങിൽ സ്ക്കൂളിലേക്ക് ( തോമസ് നോർട്ടൻ നഗർ ) നയിക്കുന്ന ജാഥ പ്രസിഡന്റ് റവ. മാത്യൂ ജിലോ നൈനാൻ ഫ്ളാഗ് ഓഫ് ചെയ്യും.17ന് ഉയർത്തുന്നതിന് ഉള്ള പതാക പി. ഐ ചാണ്ടി ജാഥാ ക്യാപ്റ്റന് കൈമാറും.ഹെഡ്മാസ്റ്റർ റെജിൽ സാം മാത്യൂ അധ്യക്ഷത വഹിക്കും. 1839-ൽ സെന്റ് തോമസ് സി.എസ് ഐ പള്ളി സ്ഥാപിച്ച മിഷണറി തോമസ് നോർട്ടന്റെ അർദ്ധകായ പ്രതിമയിൽ ഹാരമണിയിക്കും
ആഗോള സംഗമത്തിന്റെ ഭാഗമായി പ്രസിദ്ധികരിച്ച ബഹുവർണ്ണ വിശേഷാൽ പതിപ്പ് പൂർവ്വ വിദ്യാർത്ഥി പ്രതീപ് ജോസഫ് കാഞ്ഞിരപ്പള്ളിൽ ആദൃ പകർപ്പ് പൂർവ്വവിദ്യാർത്ഥി പ്രകാശ് ശ്രീധരന് നല്കി പ്രകാശനം ചെയ്യും.
