അതിശക്തമായ മഴ തുടരും ; രണ്ട് ജില്ലകളിൽ ഓറഞ്ച് അലേർട്ട്

തിരുവനന്തപുരം: കേരളത്തിൽ ഇന്ന് രണ്ട് ജില്ലകളിൽ ഓറഞ്ച് അലേർട്ട്. മുന്നറിയിപ്പ് പ്രഖ്യാപിച്ചിരിക്കുന്നത് പാലക്കാട് എറണാകുളം ജില്ലകളിലാണ്. അതേ സമയം കോഴിക്കോട്, കണ്ണൂർ, കാസർകോട് ഒഴികെയുള്ള ജില്ലകളിൽ യെല്ലോ അലേർട്ടും പ്രഖ്യാപിച്ചട്ടുണ്ട്. വടക്കൻ തമിഴ്നാടിനും സമീപപ്രദേശത്തുമായി ചക്രവാതച്ചുഴി നിലനിൽക്കുന്നുണ്ട്. കേരളത്തിൽ മഴ ലഭിക്കുന്നത് ഈ കാറ്റിന്റെ സ്വാധീന ഫലമായിയാണ്.

കടലാക്രമണത്തിന് സാദ്ധ്യത നിലനിൽക്കുന്നതിനാൽ തീരദേശമേഖലയിൽ പ്രത്യേക ജാഗ്രതാ നിർദേശം നൽകിയട്ടുണ്ട്. കടലിൽ ശക്തമായ കാറ്റും മോശം കാലാവസ്ഥയുമായതിനാൽ മത്സ്യബന്ധനത്തിന് നിയന്ത്രണം ഏർപ്പെടുത്തി. കേരള കർണാടക ലക്ഷദ്വീപ് തീരങ്ങളിൽ മത്സ്യബന്ധനത്തിന് ആരും പോകരുതെന്നാണ് നിർദേശം നൽകിയിരിക്കുന്നത്.