131-മത് മാരാമൺ കൺവൻഷന്റെ കുട്ടിപ്പന്തൽ ഓലമേയൽ നടത്തപ്പെട്ടു.

കോഴഞ്ചേരി – പത്തനംതിട്ട മാർത്തോമാ ഇടവകയിലെ കുട്ടികളുടെ നേതൃത്വത്തിലും ഇടവകാംഗങ്ങളുടെ സഹകരണത്തോടും കൂടെ 131-മത് മാരാമൺ കൺവൻഷന്റെ കുട്ടിപ്പന്തൽ ഓലമേയൽ നടത്തപ്പെട്ടു. ദീർഘ വർഷങ്ങളായി മാർത്തോമാ സുവിശേഷ പ്രസംഗ സംഘം നേരിട്ട് ഓലമേഞ്ഞുകൊണ്ടിരുന്ന കുട്ടിപ്പന്തൽ 2024 മുതൽ പത്തനംതിട്ട മാർത്തോമ ഇടവകയ്ക്ക് ഓല മെയ്യുന്നതിനുള്ള അവസരം നൽകുകയുണ്ടായി. കൺവെൻഷൻ യോഗങ്ങളിൽ പങ്കെടുക്കുന്ന മാതാപിതാക്കൾക്കും കുഞ്ഞുങ്ങൾക്കും ഈ കുട്ടിപ്പന്തൽ ഒരു അനുഗ്രഹമായി തീരുന്നു.

പ്രസ്തുത കുട്ടിപ്പന്തൽ നിർമ്മാണത്തിനായി 500 മടൽ ഓലയാണ് ആവശ്യമായി വന്നിരിക്കുന്നത്. ഇടവക വികാരി റവ. സജി തോമസ് അച്ചന്റെ നേതൃത്വത്തിൽ, ഇടവക ചുമതലക്കാരായ ജോർജ്. കെ. നൈനാൻ (വൈസ് പ്രസിഡന്റ് ) ഷാജി തോമസ് ( സെക്രട്ടറി) എബ്രഹാം പി സാമുവേൽ ( ട്രസ്റ്റി ) സാം വർഗീസ് (അക്കൗണ്ട് ട്രസ്റ്റി )എന്നിവർ നേതൃത്വം നൽകി. സുവിശേഷ പ്രസംഗ സംഘം സഞ്ചാര സെക്രട്ടറി സെക്രട്ടറി റവ. ജിജി വർഗീസ്, മാനേജിങ് കമ്മിറ്റി അംഗങ്ങളായ റവ ജോജി ജേക്കബ്, റ്റിജു എം ജോർജ്, സാം ചെമ്പകത്തിൽ എന്നിവർ സന്നിഹിതരായിരുന്നു.