സി.പി.ഐ നേതാക്കൾക്കെതിരെ രൂക്ഷ വിമർശനവുമായി ശ്രീനാദേവി കുഞ്ഞമ്മ

പത്തനംതിട്ട – സി.പി.ഐ മുൻ പത്തനംതിട്ട ജില്ലാ സെക്രട്ടറി എ.പി ജയൻ, ഡെപ്യൂട്ടീസ്പീക്കറും നിലവിലെ സി പി ഐ ജില്ലാ സെക്രട്ടറിയുമായ ചിറ്റയം ഗോപകുമാർ എന്നിവർക്കെതിരെ രൂക്ഷ വിമർശനവുമായി സി പി ഐ വിട്ട മുൻ ജില്ലാ പഞ്ചായത്ത് അംഗം ശ്രീനാദേവി കുഞ്ഞമ്മ പത്ര സമ്മേളനത്തിൽ.

പാർട്ടി വിട്ടിട്ടും പിൻതുടർന്ന് ദ്രോഹിക്കുന്നതായി നിലവിലെ യു.ഡി.എഫ് പള്ളിക്കൽ ജില്ലാപഞ്ചായത്ത് ഡിവിഷനിലെ സ്ഥാനാർത്ഥിയായ ശ്രീനാദേവി കുഞ്ഞമ്മ ആരോപിച്ചു. തൻ്റെ നാമനിർദ്ദേശപത്രിക തള്ളാൻ എ പി ജയൻ, ഭരണപക്ഷത്തുള്ള സ്വാധീനം ഉപയോഗിച്ച് നിരന്തരമായ ശ്രമമാണ് നടത്തിയത്. വോട്ടേഴ്സ് ലിസ്റ്റിൽ നിന്നുംപേര് നീക്കം ചെയ്യാനും നിരന്തരം ശ്രമം നടന്നുവരുന്നുണ്ട്. , മാനസികമായി തകർക്കാനും ശ്രമിക്കുന്നു.. കഴിഞ്ഞ ഏതാനും വർഷങ്ങളായി യാതൊരു അടിസ്ഥാനവുമില്ലാതെ നിരവധി കള്ളകേസുകളിൽ പെടുത്തിയും ദ്രോഹിച്ചിരുന്നു. എ.പി ജയനെതിരെ പാർട്ടിയിൽ ഉന്നയിച്ച ആരോപണങ്ങൾ വിജിലൻസിന് പരാതിയായി നൽകുമെന്നും ശ്രീനാദേവി കുഞ്ഞമ്മ പത്തനംതിട്ടയിൽ നടത്തിയ വാർത്താസമ്മേളനത്തിൽ പറഞ്ഞു.