മ​ണ്ണെ​ണ്ണക്കായി ഇനി റേഷൻ കടയിൽ പോകണ്ട !!

പ​ത്ത​നം​തി​ട്ട: റേ​ഷ​ൻ​ക​ട​ക​ളിലൂടെ കൂട്ടിയിരുന്ന മ​ണ്ണെ​ണ്ണ വി​ത​ര​ണം പൂർണ്ണമായും നി​ല​ച്ചു. കേ​ന്ദ്ര ഗ​വ​ൺ​മെ​ൻറ് മ​ണ്ണെ​ണ്ണ​യു​ടെ വി​ഹി​തം കു​ത്ത​നെ
കു​റ​ച്ച​തും വ​ർദ്ധി​ച്ച ചരക്ക് കൂലിയും, ലൈ​സ​ൻ​സ് ഫീ​സും ഒക്കെ ക​ണ​ക്കി​ലെ​ടു​ത്ത് റേ​ഷ​ൻ വ്യാ​പാ​രി സം​ഘ​ട​ന​ക​ൾ സം​യു​ക്ത​മാ​യാ​ണ് മ​ണ്ണെ​ണ്ണ എടു​ക്കേ​ണ്ട​തി​ല്ലെ​ന്ന് തീ​രു​മാ​നി​ച്ചിരിക്കുകയാണ്. മൊ​ത്ത വ്യാ​പാ​രി​ക​ളും മ​ണ്ണെ​ണ്ണ എ​ടു​ക്കാ​ൻ ക​ഴി​യി​ല്ലെ​ന്ന് ഭ​ക്ഷ്യ​വ​കു​പ്പി​നെ അ​റി​യി​ച്ചി​ട്ടു​ണ്ട്. റേഷൻ സം​വി​ധാ​നം തു​ട​ങ്ങി​യ കാ​ലം മു​ത​ൽ എ​ല്ലാ കാ​ർ​ഡു​ക​ൾ​ക്കും മ​ണ്ണെ​ണ്ണ ഉണ്ടാ​യി​രു​ന്ന​ത് ബി​പി​എ​ൽ​കാ​ർ​ക്ക് മാ​ത്ര​മാ​യി വെട്ടിക്കുറയ്ക്കുകയാ​യി​രു​ന്നു.

എ​ല്ലാ മാ​സ​വും അ​ലോ​ട്ട്‌​മെ​ൻറി​ൽ കു​റ​വ് വ​രു​ത്തി​യ​തോ​ടെ പി​ങ്ക് കാ​ർ​ഡു​കാ​ർ​ക്ക് മൂ​ന്നു​മാ​സ​ത്തി​ലൊ​രി​ക്ക​ൽ അ​ര ലി​റ്റ​റും മ​ഞ്ഞ കാ​ർ​ഡു​കാ​ർ​ക്ക് ഒരു ലി​റ്റ​റും വൈ​ദ്യു​തീ​ക​രി​ക്കാ​ത്ത കാ​ർ​ഡു​കാ​ർ​ക്ക് ആ​റു​ലി​റ്റ​ർ മ​ണ്ണെ​ണ്ണ വീ​ത​മാ​ണ് ഇ​തു​വ​രെ ന​ൽ​കി​യി​രു​ന്ന​ത്. ഇ​തി​ൻറെ 70 ശ​ത​മാ​നം കേ​ന്ദ്രം വീണ്ടും വെ​ട്ടി​ക്കു​റ​ച്ചു. ആ​യ​തി​നാ​ലാ​ണ് വ്യാ​പാ​രി സം​ഘ​ട​ന​ക​ൾ മ​ണ്ണെ​ണ്ണ എ​ടു​ക്ക​ണ്ട എ​ന്ന തീ​രു​മാ​ന​ത്തി​ൽ എ​ത്തി​യ​ത്. റേ​ഷ​ൻ ക​ട​ക​ളി​ൽ മണ്ണെണ്ണ എ​ടു​ക്കു​മ്പോ​ൾ അ​താ​ത് താ​ലൂ​ക്കു​ക​ളി​ൽ​നി​ന്ന് ല​ഭി​ക്കു​ന്നി​ല്ല.

ഇ​ത​ര താ​ലൂ​ക്കു​ക​ളി​ൽ എ​ത്തി ഭീ​മ​മാ​യ വ​ണ്ടി​ക്കൂ​ലി ന​ൽ​കി മ​ണ്ണെ​ണ്ണ എ​ടു​ത്ത് റേ​ഷ​ൻ ക​ട​ക​ളി​ൽ കൊ​ണ്ടു​പോ​യി വി​ത​ര​ണം ചെ​യ്യു​മ്പോ​ൾ എ​ല്ലാ കാർ​ഡു​ട​മ​ക​ൾ​ക്കും വി​ത​ര​ണം ചെ​യ്യാ​നാ​കാ​ത്ത സ്ഥി​തി ഉ​ണ്ടാ​കു​ക​യും ഇ​തു കാ​ർ​ഡ് ഉ​ട​മ​ക​ളും റേ​ഷ​ൻ വ്യാ​പാ​രി​ക​ളും ത​മ്മി​ൽ ത​ർ​ക്ക​ത്തി​ന് ഇടയാക്കു​മെ​ന്ന​തി​നാ​ലാ​ണ് മ​ണ്ണെ​ണ്ണ എ​ടു​ക്കേ​ണ്ടെ​ന്ന് തീ​രു​മാ​നി​ച്ച​തെ​ന്ന് ഓ​ൾ കേ​ര​ള റി​ട്ടെ​യി​ൽ റേ​ഷ​ൻ ഡീ​ലേ​ഴ്‌​സ് അ​സോ​സി​യേ​ഷ​ൻ സം​സ്ഥാ​ന വൈ​സ് പ്ര​സി​ഡ​ൻറ് ജോ​ൺ​സ​ൻ വി​ള​വി​നാ​ൽ പ​റ​ഞ്ഞു.