അടൂർ – മിത്രപുരം മാർ ക്രിസോസ്റ്റം കോളജിൽ മൂന്നാം വർഷ ബി.കോമിന് പഠിക്കുന്ന പന്തളം പെരുമ്പുളിക്കൽ ശ്രീനിലയത്തിൽ ശ്രീകുമാറിന്റെ മകൻ അഭിഭാം (21) ആണ് മരിച്ചത്. വൈകിട്ട് 3.30 ന് എംസി റോഡിൽ മിത്രപുരത്താണ് അപകടം. കോളജ് വിട്ട ശേഷം റോഡരികിലെ ചായക്കടയിൽ നിന്ന് ചായ കുടിച്ച് വീട്ടിലേക്ക് പോകാൻ തന്റെ യമഹ ബൈക്കിൽ റോഡിലേക്ക് ഇറങ്ങിയ അഭിരാമിനെ പിന്നിൽ നിന്ന് വന്ന മാരുതി സ്വിഫ്ട് കാർ ഇടിക്കുകയായിരുന്നു. ഇടിയുടെ ആഘാതത്തിൽ ബൈക്ക് നിയന്ത്രണം വിട്ട് അടൂർ ഭാഗത്തേക്ക് ലോഡുമായി വന്ന ടെമ്പോ വാനിന്റെ പിൻഭാഗത്ത് ചെന്നിടിച്ചു. ഗുരുതരമായി പരുക്കേറ്റ അഭിരാമിനെ പന്തളം സിഎം ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.
അപകടമുണ്ടാക്കിയതിന് ശേഷം നിർത്താതെ പന്തളം ഭാഗത്തേക്ക് പാഞ്ഞ സ്വിഫ്ട് കാർ പൊലീസ് അവിടെ വച്ച് പിടികൂടി സ്റ്റേഷനിലെത്തിച്ചു. വെണ്ണിക്കുളം സ്വദേശിയായ പാസ്റ്റർ ബ്ലസൻ ആണ് വാഹനം ഓടിച്ചിരുന്നത്. ഇയാൾ നിലവിൽ കൊട്ടാരക്കരയാണ് താമസം.
