പത്തനംതിട്ട – ജനുവരി മാസത്തിൽ റേഷൻ കട വഴി എഎവൈ (മഞ്ഞ) കാർഡിന് 30 കിലോ അരിയും രണ്ട് കിലോ ഗോതമ്പും സൗജന്യമായും പരമാവധി മൂന്ന് പാക്കറ്റ് ആട്ട ഏഴ് രൂപ നിരക്കിലും ലഭിക്കും.
പി എച്ച് എച്ച് (പിങ്ക്) കാർഡിലെ ഓരോ അംഗത്തിനും നാല് കിലോ അരിയും ഒരു കിലോ ഗോതമ്പും സൗജന്യമായും കാർഡിന് പരമാവധി നാല് പാക്കറ്റ് ആട്ട ഒമ്പത് രൂപ നിരക്കിലും ലഭിക്കും.
എൻപിഎസ് (നീല) കാർഡിലെ ഓരോ അംഗത്തിനും രണ്ട് കിലോ അരി നാല് രൂപ നിരക്കിലും കാർഡിന് പരമാവധി മൂന്ന് പാക്കറ്റ് ആട്ട 17 രൂപ നിരക്കിലും എൻപിഎൻഎസ് കാർഡുടമകൾക്ക് രണ്ട് കിലോ അരി 10.90 രൂപ നിരക്കിലും പരമാവധി മൂന്ന് പാക്കറ്റ് ആട്ട 17 രൂപ നിരക്കിലും ലഭിക്കും.
എഎവൈ (മഞ്ഞ) കാർഡിന് രണ്ട് മാസത്തിൽ ഒരിക്കൽ ഒരു കിലോ പഞ്ചസാര 27 രൂപ നിരക്കിലും മൂന്ന് മാസത്തിൽ ഒരിക്കൽ ഒരു ലിറ്റർ മണ്ണെണ്ണ 68 രൂപയ്ക്കും ലഭിക്കും.
പിങ്ക്, നീല, വെള്ള കാർഡുകൾക്ക് അര ലിറ്റർ മണ്ണെണ്ണ മൂന്ന് മാസത്തിൽ ഒരിക്കൽ 68 രൂപ നിരക്കിലും വൈദ്യുതികരിക്കാത്ത വീടുകൾക്ക് മൂന്ന് മാസത്തിൽ ഒരിക്കൽ ആറ് ലിറ്റർ മണ്ണെണ്ണ 68 രൂപ നിരക്കിലും ലഭിക്കുമെന്ന് കോഴഞ്ചേരി താലൂക്ക് സപ്ലൈ ഓഫീസർ അറിയിച്ചു.
