പത്തനംതിട്ട – ഓമല്ലൂർ മണ്ണാറമല കളർ നിൽക്കുന്നതിൽ കെ. മോഹനന്റെ ഭാര്യ കൃഷ്ണമ്മ (57)യാണ് ഇന്ന് കോട്ടയം മെഡിക്കൽ കോളേജ് ആശുപത്രിയിൽ വെച്ച് മരിച്ചത്. കഴിഞ്ഞ മാസം നാലിന് കൃഷ്ണമ്മയെ നായ കടിച്ചിരുന്നു. പുരികത്താണ് കടിയേറ്റത്. തുടർന്ന് വാക്സിനേഷനും പൂർത്തിയാക്കിയിരുന്നു. മൂന്നു ദിവസം മുമ്പ് പനി ബാധിച്ച് ഗുരുതരാവസഥയിൽ കോട്ടയം മെഡിക്കൽ കോളജ് ആശുപത്രിയിൽ കൃഷ്ണമ്മയെ പ്രവേശിപ്പിച്ചിരുന്നു. ചികിൽസയിലിരിക്കേ ഇന്നാണ് മരിച്ചത്. പേവിഷ ബാധയുണ്ടായിട്ടുണ്ടോ എന്നറിയാൻ കൂടുതൽ പരിശോധന നടത്തും. സംസ്കാരം ഞായറാഴ്ച രാവിലെ 11 ന് വീട്ടുവളപ്പിൽ നടക്കും.
മക്കൾ: ആര്യ മോഹൻ, ആതിര മോഹൻ. മരുമക്കൾ: സുശാന്ത്, അനൂപ്.
